Dyma un o uchafbwyntiau bywyd ein bro. Pwyllgor bach a brwd o bobl leol sy’n trefnu. Daw’r gymuned gyfan ynghyd i fwynhau ac i godi arian ar yr un pryd;

y llynedd, codwyd cyfanswm anhygoel o £6000 i gyrff lleol ac i gynnal ein cyfleusterau.

Wythnos Carnifal 2010

Cofiwch nodi’r dyddiadau mawr yma – maen nhw’n creu ton o frwdfrydedd mae llu o weithgareddau wedi eu trefnu cyn ac yn ystod y diwrnod mawr:

Y ras hwyl 

Paratowch ar gyfer yr hirdaith! 

Mi fydd y Ras Hwyl am 10.30am ar ddydd Sadwrn, 19 Mehefin 2010 ar y Rec.  Mae gwobrau ar gyfer pob oedran, ond mae tadau’n gyndyn i ymuno felly blantos – gwthiwch nhw!

 Carnifal Creigiau 

Yr orymdaith

Mae’r fflotiau lliwgar yn ymlwybro drwy’r pentref, ar droed neu ar gerbyd, gyda thrigolion yr ardal yn dilyn. 

Rydym yn gobeithio’n fawr y byddwch yn cynnig fflot.  Mi fydd manylion yn cael eu hanfon adref gyda’r plant, neu e-bostiwch cjonesboy@aol.com erbyn 31 Mai 2010. 

Mae yna wobrau i unigolion a grwpiau yn y gystadleuaeth gwisg ffansi. 

Mae’r orymdaith yn casglu am 1.00pm ac yn dechrau ar ei thaith o gwmpas y pentref i gyrraedd y Rec erbyn 2.00pm a dyma’r hwyl yn dechrau! 

Cystadleuaeth gwisg ffansi, llwyth o gemau a sioeau, stondinau’n gwerthu popeth dan haul, pabell diodydd, bwyd poeth ac oer, danteithion a melysion a llawer iawn mwy! 

Mae angen prynu rhaglen y Carnifal i gael mynediad.  Maen nhw ar werth cyn ac yn ystod y Carnifal.  Diolch yn fawr i gwmniau lleol sy’n hysbysebu ynddi – cofiwch eu cefnogi.